Халдварт өвчин судлалын тасаг нь бактери, вирус, мөөгөнцөр зэрэг шимэгч хорхойноос гаралтай төрөл бүрийн халдварт өвчнийг оношилж, эмчилдэг дотрын нарийн мэргэжлийн салбар ухаан юм.

Халуурах нь зөвхөн халдварт өвчний шинж тэмдэг болдоггүй тул халдварт өвчний тасагт халуун хавсарсан өвчнийг халдварт өвчнөөс хамааралтай эсэхийг нарийн мэргэжлийн түвшинд оношилж, антибиотикийн эмчилгээ хийдэг.

Балнад, холери, цусан суулга, халуун хумхаа, маажуурт хижиг, лептоспироз, бөөрний хамшинжит цусархаг чичрэг, улаан бурхан, сүрьеэ, хүний дархлал хомсдлын олдмол хамшинж зэрэг төрөл бүрийн халдварт өвчнийг эмчлэхээс гадна бусад тасгийн эмчилгээний явцад халуурсан өвчтний биеийн байдалд үзлэг, эмчилгээ хийхээс гадна зөвлөгөө өгдөг.

Сүүлийн үед тулгамдсан асуудлын нэг болоод байгаа эмнэлгийн дотоод халдвар хамгаалалд хяналт тавих, халдвараас урьдчилан сэргийлэх кабинет нээн ажиллуулж эмнэлгийн дотоод халдварын судалгаа, эмэнд тэсвэртэй бактерийн халдвартай өвчтнийг тусгаарлан эмчлэх сургалтыг зохион байгуулж байна. Мөн антибиотик зэрэг төрөл бүрийн эмийн гаж нөлөө, харилцан үйлчлэл, дотуур хэрэглэх тунгийн хэмжээ, насанд хүрэгчдийн хамрагдах вакцин, аялалын явцад халдварт өвчнөөс урьдчилан сэргийлэх(халуун хумхаа, шар чичрэг г.м) талаар заавар зөвлөгөө өгөхөөс гадна зохих эмчилгээнүүдийг хийж байна.